الوجع الغادر

نشرت تلك الكلمات من قبل بصفحتى على الفيس بوك بتاريخ 19 يوليو 2011

لماذا يهاجمنى ألم روحى فى تلك اللحظات التى أشعر بها أنى على ما يرام!

فقد بت ليلتى و أنا أظن أنى عقدة هدنة مع الوجع

أغمض عينى فيعود وينقض العهد،يحكم قبضته على الروح و العقل،يباغتنى بأحلام أقرب إلى الكوابيس

فينقل عدوى الوجع إلى الجسد أيضا.

ترهقنى نفسى كثيرا  تلك الأيام أو دعنى أقول الشهور

أقضى ساعات طويله فى التحليل و البحث عن أسباب تلك الحالة"فالوصول إلى السبب هو نصف الطريق للحل"

أستنتج أسباب منطقية ،أناقشها  معى و أضع حلول لها على قدر أستطاعتى

وأعقد الهدنة فلا يرحمنى الألم

كلما تعمقت داخل روحى شعرت أنى أعيش على هامش الحياة

بيد أن هذا العام حتى الأن اهدانى الكثير من الفرح و لوح لى الضوء من بعيدا وهمس الأمل فى أذنى مبشرا

ببدأ الطريق إلى الأحلام

فلماذا أشعر بإنى على هامش الحياة ؟؟؟

تشرين ثانى

تشرين ثانى 

شهر الفرح  والحزن
شهر الرقص تحت أشعة  الشمس
والرقص تحت أول قطرات المطر
أحاديث الذكريات بين الصبايا فى المقهى صباحا
وذكريات الأحاديث بين الرجال على أرصفة الشوارع مساءا
دفء الدموع آناء الليل
وهج الأحلام أطراف النهار
دخان التبغ، مرارة القهوة وحرارة الفنجان
شدو فيروز "رجعت الشتوية"

وأنين نزار "حقائب الدموع والبكاء"
صفاء السماء، رائحة المطر وروعة ألوان الشوارع
 قسوة الأحباء  وحنو أحضان الأمهات
تشرين تانى
شهر المتناقضات و المتغيرات
شهر الحب والجرح  والأمل

نقدر

هى اية مشكلة القوى السياسية فى مصر؟
توضيح: القوى السياسية عندى يعنى اللى بيشتغل سياسة علشان مصر تبقى احسن او الاحسن وبس
يعنى اللى بيشتغل علشان كرسى ،ولا رضا المتحكم فى السلطه (المجلس) ولا علشان مصلحة جماعته ولا ولا ولا  ميحسبش
المشكلة الموجودة طبيعية جداا  هى اختلاف الرؤى
كل واحد فينا عاوز يطبق نموذج مختلف وده شئ طبيعى جداا لاننا بنى ادمين و الاختلاف المفروض انه بيتطورنا اكتر مش بيعوق مسيرتنا

لكن ليه اصلا نطبق نماذج ليه منخترعش احنا النموذج؟
ليه تبقى اشتراكية ولا علمانية ولا ديمقراطية ولا ولا و لا
لية منتطورش كل ده ليه منقدمش للعالم تجربة سياسية جديدة؟
العالم كله بيبص علينا دلوقتى و بيقدرنا و بيتعلم مننا
ليه منكنش مبدعين؟ ليه منلاقيش طريق يوحدنا ويتناسب مع مصر بتاريخها ،بشعبها،بقيمها، بظروفها الحالية و بظروف العالم من حولها؟
ليه بنحط حواجز على عقلنا و على قدرتنا مع أننا نقدر
محتاجين لحظات كتير زى لحظات بداية الثورة لحظات نحس فيها و نؤمن اننا نقدر

Dots

17 اكتوبر 2011
يوم صعب اوى عليا ،بس متأكدة أنه خير وواثقة اوى فى ربنا
عارفة انى هرجع فى يوم من الأيام للتدوينة دى و ابتسم
و أقول سبحان الله . ياااااااارب خليك جنبى يااااااااااارب

"you can't connect the dots looking forward, you can only connect them looking backward " Steve Jobs

خلى الندى من احلامك يسقى النبات من ايامك

احلامى هى واقعى الوحيد
انا بحلم بكل تفصيله فى حياتى
احلامى جزء من تكوينى
انا اصلا مش عارفه اتخلى عنها، معنديش الامكانية دى

بحبها بس هى متعبه اووووووى
بس بحبها 

يمكن تكون موديانى للهاوية بس مش مهم هاروح برجليا ليها
بس انا مش هنكر ان احلامى هى اللى مقويانى 

هى اللى بتخلينى اتنفس بعمق
هى اللى بتخلينى احزن كمان بعمق
هى اللى بتخلينى اضحك بصوت عالى واهتف بعلو صوتى
هى اللى بتخلينى امشى اغنى فى شوارع وسط البلد
او اتناقش بصوت عالى و انا مش فارق معايا اى حاجه
هى اللى بتخلينى اشوف صورة الحياة بالونها

بحس كده الفرق بين الحياه وهى فيها احلام او من غيرها
زى الفرق بين الصورة العادية والصور HD

مش هعرف اكون غير كده ، ومش عاوزة اكون غير كدة
ده أختيارى قبل ما يكون قدرى

                                      

فتنة إيه! صلى على النبى

- على فكره دول ما بيشغلوش غير المسيحيين اللى زيهم

- يلاهوى يعنى انا ابقى اعقده كده الاقى جوزى داخل عليا بواحدة تانيه ويقولى مراتى ،ولا اتخانق معاه يقوم مطلقنى

- والنبى يا اختى بيبان عليهم تشوف الواحد منهم كده شكله مسيحى

- ايه الخنقه دى حجاب و نقاب ايه ؟! ده منظر ستات

- انتى بتاكلى ازاى عند صحبتك المسيحيه دى !!

- المسلم يبقى زميلك اه صحبك لاء دول مهما كان مبيحبوناش

- بس الشهاده لله انا جارى واحد مسيحيى بس اخلاق اووى

- برضو يا اخى مش كل المسلمين ده انا زميلى فى الشغل لازم يكلمنى فى الاعياد

يا راجل فتنة ايه بس ! ده احنا نسيج واحد وطول عمرنا عايشين مع بعض و المسجد جنب الكنيسة

أنا و أنا

نشرت تلك الكلمات من قبل على صفحتى على الفيس بوك بتاريخ 9 يونيو 2011

ذاكرة مليئة بالألم والفرح

شكولاته و موسيقى لا تتوقف فى رأسى

 سريرى الواسع

حر الصيف الشديد،بروده التكيف الشديده أيضا

 قراءة  هى أشبه بإلتهام الكتب

قليل من الدموع و الأمل

قرارات تدور بعقلى وكأن مسكن ما خدر قلبى الصغير

فرح هادئ لشخص غزيز هو جزء من تكوينى

نور وظلام

ساعات طويلة ما بين النوم و الاستيقاظ والنوم مجدداا

أشعر أن تلك الاشياء تدور حولى كما تدور الكواكب حول الشمس

لا أدرى هل جذبتها نحوى أم أتت من ذاتها؟

وهل أتت لتحنو عليا أم أتت فى ثياب الحنان تخفى القسوة؟

أشعر أن شيئا جديدا على مشارف الولادة داخلى

شيئا كما الولادة حقا

مؤلم فى حدوثه لكنه يخبئ وراء الألم كل الفرح

أشعر أن زمام ذلك الشئ بيدى أشعر به فى راحة يدى

 وقد أحكمت مسكه بأصابعى

جل ما أخشاه هو ضعفى و قصر نفسى

وخوفى من غدى

أنا الذى آمنت دائما أن الأمان يكمن بقلب المغامره

و فرحت دوما بكل جديد

فهل أقدر هذه المره على خلق الجديد؟؟!!