الصبر
بيخلص مننا فى لحظات غير متوقعة، بيخلص فجأة، تنام كويس تصحى تلاقيك خلاص مش قادرة
تستحمل اكتر من كده. وزى العيال عايز كل حاجه حالا. نفسك تفتح عينك وتغمضها تلاقى
كل المشاكل والتعقيدات والوجع خلصوا رغم انك متاكد ان ده مستحيل لكن شئ جواك بيعصر
قلبك وبيخنق روحك، غصة مبينفعش معاه تصبير ولا مواساة. وزى ما دبدبة العيال فى
الارض و صراخها وعياطها فى السوبر ماركت وعدم ادراكهم ان ماما هتدفع تمن الشيكولاته
وبعدين هتاخدها، ما بنخدش بالنا اننا زى
العيال مش مدركين سيستم السوبر ماركت اللى احنا عايشين فيه وانا جايز التمن لسه
مدفعنهوش ومضطرين نستنى.
بكتب الكلام ده وانا مش متأكده خالص منه. بكتبه وانا بتمنى اغمض وافتح الاقى كل حاجه اتغيرت وكل الوجع اختفى. صحيت النهاردة كان نفسى يا أختفى يالعالم يختفى دبدبت شويه وصرخت وبعدين لاقيتها مش هتنفع بتعب اكتر، قررت احاول اطاطى للموجة واتاقلم مع حالة فراغ الصبر لحد ما الاقى طاقة تخلينى اكمل صبر وسكوت واستمرار فى محاولات التغيير.
بكتب الكلام ده وانا مش متأكده خالص منه. بكتبه وانا بتمنى اغمض وافتح الاقى كل حاجه اتغيرت وكل الوجع اختفى. صحيت النهاردة كان نفسى يا أختفى يالعالم يختفى دبدبت شويه وصرخت وبعدين لاقيتها مش هتنفع بتعب اكتر، قررت احاول اطاطى للموجة واتاقلم مع حالة فراغ الصبر لحد ما الاقى طاقة تخلينى اكمل صبر وسكوت واستمرار فى محاولات التغيير.
And when I'm home, I'm not at home
